Ikastetxeentzako eskola-bisitak
Proiektu bakarra eta desberdina
ESKOLA BISITEN PROIEKTUA
2015eko urtarrilean ireki zuen Kitchen Academyk lehenengo eskola, eta harrezkero, akademia eraiki dugunon bokazioa beti izan da gaur egun haurren elikadurari lotutako kultura eta eredua aldatzen modu aktiboan parte hartu ahal izatea. Haren garrantzia ezagutzea, haren ekarpena baloratzea eta egiten jakitea (jana prestatzea).
Laster konturatu ginen zein aukera ematen zizkigun haurrekin sukaldean lan egiteak.
Beti irakaskuntzari lotuta egon garenok badakigu gure lanaren arrakasta lotuta dagoela, hein handi batean, jaso dezakegun arreta kopuruarekin eta haren kalitatearekin.
Arreta da interesaren, jakin-minaren eta eskainitako denboraren konbinaketa bat, eta haren bidez, transmititutakoa ikaskuntza bihurtzen da.
Sukaldaritzak bertute hori dauka. Arreta handia jasotzen du, eta denboran mantentzeko gai da.
Kitchen Academyn nahi duguna da haurrek sukaldean aritzeari ematen dizkioten arreta maila horiek, curriculumaren beste alorren balioa nabarmentzeko ere balio izatea, hala nola zientziena edo matematikena.
Haurrei jarduera izugarri gustatzen zaie, eta irakasleak harritu egiten ditu horrek. Proba ezazu!
ARTICA IKASTETXEAREN BISITA
(1 votos, media: 5,00 de 5)
Cargando...
NORI ZUZENDUTA DAGO ESKOLA BISITEN PROIEKTUA?
Eskolako adinetan dauden haurrei, nori bestela, ezta? Hala da, baina konplizeak behar ditugu hezkuntza komunitatean. Beren ikasgaiak beste modu batean eman nahi dituzten irakasleak behar ditugu. Ez horren konbentzionala, egia da, baina ezta eraginkortasun gutxiagokoa ere. Are, guztiz kontrakoa, curriculumaren edukiak modu desberdin bat, “eskola original» batean.
Irakaslearekin hitz egiten dugu, eta jarduera egokitu egiten dugu, hark ikasleekin indartu nahi duen gaira edo azalpenera. Haren eskolarako errezeta onena prestatzen dugu.
ZERTAN DATZA GURE SUKALDARITZA ESKOLETARA EGINDAKO BISITA?
Bisitek 3 fase dituzte, oro har, esperientziari balio handia ematen diotenak.
- BISITAREN AURREKO ELEMENTUAK: Kitchen Academyk lan-materiala jartzen du ikastetxeen eskura bisita egin aurretik (bideo formatuan). Horrela, haurrei jarduera aurkezteaz gain, irakasleek elikadura eta nutrizioarekin lotutako zenbait alderdi ere lan ditzakete. Azken finean, gure eskoletara egindako bisitaren bezpera ezin hobeak dira.
Ikastaro bakoitzak heldutasunari egokitutako hainbat material ditu, eta eskola-etapa bakoitzak berezko dituen edukiak.
- BISITA KITCHEN ACADEMYRA: Umeek gehien gozatzen duen unea da. Gutxi gorabehera 2 ordu ematen dira 2 plater prestatzen, amaitutakoan dastatzeko. Sukaldea tresna gisa erabiltzen dugu, umeek esperientziaz nutrizioari eta elikadurari buruzko ezagutzak beregana ditzaten, bizitza-ohitura osasungarrien esparruaren barruan.
- Gozoki plater baten bidez matematikarekin eta natura-zientziekin lotutako curriculum-kontzeptuekin jolastuko gara.
- Plater nagusiaz baliatuz, nutrizioari, elikadurari eta bizitza osasungarri baterako beharrezkoa den orekari buruz hitz egingo dugu.
- ESKOLA ETXEAN: Umeen elikadura eta nutrizioa guztion kontua denez, baina batik bat bere gurasoen ardura, umeek gurasoekin janaria berriro prestatzeko aukera izango dute. Halaber, bisitan eman zaizkien aholku guztiak gogora ekarriko dituzte.
Kupoi baten bidez, familiek doako sarbidea izango dute gure eskola birtualera, eta bisitan zehar umeek prestatu dituzten errezeten bideoak ikusi ahal izango dituzte.
Hala, ikastetxeak gurasoei aukera emango die beren seme-alabekin partekatzeko heziketa-etapan zehar bizitako esperientzia eta lorpenak. GUZTION lana da garrantzitsua.
Irakaslearekin kontaktuan egonda, irakatsi nahi dituen ezagutzei hoberen egokitzen zaien errezeta aukeratzen dugu.
Hortik hasita eskola magistral bat “kozinatzen” dugu, haren begirada zorrotzaren azpian.
LEHEN HEZKUNTZA, 3. MAILA
Makarroiak Boloniako Erara
Madalena txokolatezko txispekin
ERREZETA BATEN EDUKI OSAGARRIEN ADIBIDE BAT
Natur zientziak
- Zentzumen organoen funtzionamendua, haien aldakuntza posibleak eta zaintza ezagutzea.
- Digestio aparatuaren ezaugarri nagusiak deskribatzea
- Elikadura osasuntsu baten garrantzia. Ezagutzea dieta orekatu baten printzipioak.
- Solidoen, likidoen eta gasen propietateak aztertzea. Ura hiru egoeratan identifikatzea.
- Eroaleen eta isolatzaileen artean ezberdintzea.
- Nahasketa batzuk egitea eta haien ezaugarriak azaltzea.
- Lainoak sortzearen eta prezipitazioen kausak deskribatzea. Uraren zikloa deskribatzea.
- Gizarte zientziak
- Europako herrialdeak eta haien hiriburuak ezagutzea.
- Mendea ezagutzea, denbora historikoaren neurri unitate gisa.
Matematikak
- 10.000 baino txikiagoko zifrak irakurtzea, balio posizionala identifikatzea eta baliokidetasunak ezartzea.
- Erdia, herena eta laurdena kalkulatzea zenbaki bikoitietan. Zatiki propio baten esanahia ulertzea.
- Zatiketaren ikurra (:) zatikiaren marrarekin, eta zenbaki baten erdiarekin edo herenarekin identifikatzea.
- Kilogramoa (kg) eta gramoa (g), objektuen pisua neurtzeko unitate gisa ezagutzea . Baita haien erlazioa ere.
- Pisuaren beste neurri batzuk erabiltzea, adibidez, ½ kg, ¼ kg, ¾ kg, eta haiek gramotan adierazita ezagutzea.
- Litroa (l) eta zentilitroa (cl) ontzien edukiera neurtzeko unitate gisa ezagutzea .
- Litroaren eta zentilitroaren arteko baliokidetza ezagutzea eta erabiltzea. Edukieraren beste neurri batzuk erabiltzea: ½, ¼, ¾
- Gutxi gorabeherako neurketak egitea, graduatutako ontziak erabilita.
